Nye opplevingar: Overvekt

No har eg starta på mitt eventyr. Det er rart, det er spennande og det er fantastisk!! Den første etappa av mange etappar i løpet av året er over. Eg sit på Gardamoen, venta på neste fly, klar for å komme heilt fram til ein heilt ny plass, alt er fremmed og ukjendt. Eg veit ikkje eingong kvar eg skal gå av bussen. Men eg trur det blir bra, veldig bra. Eg veit at eg kjem til å lære mykje det kommande året, og det er spennande, kanskje eg til og med klarar å lære meg å pakke? Det har eg i allefall til gode å lære. Eg klarte å ha overvekt på kufferten i dag, og det blei dyrt, alt for dyrt. Men det var vell berre til pass for meg. Samtidig så ser eg på overvekta som nødvendig sidan eg pakka den, pakka den ut, pakka den, pakka den ut igjen. Så eg kunne faktisk ikkje ofre fleire klesplagg eller sko-par.
Eg er veldig klar for alt nytt, samtidig så kjenner eg at det er litt rart å ikkje skulle tilbake til Vestborg. Det har blitt ein så god vane å reise inn dit etter kvar sommar, tre år på rad. Reise inn til alt kjent, og trygt. Men det blir nok bra å komme inn på besøk. Vestborg er nok ikkje det einaste eg vil sakne. Heimen min, mamma´s middag, og ikkje minst: Alle vennane mine!
Men litt sakn må til for å få oppleve nye ting, lære noko nytt osv. Men eg er veldig glad for muligheita eg har til å gjere noko så spennande som det her forhåpentligvis vil bli.